The Fall of the North Witch

Ipinanganak at lumaki sa Elysian, ang lugar na pinaniniwalaan ng lahat na maganda at perpekto dahil sa kahulugan ng pangalan nito ngunit kabaliktaran ang naranasan ni Awanda Magtanggol. Nang siya ay tumuntong sa ika labing-anim na taon ng kanyang buhay ay doon nagsimulang bumaliktad ang inakala niyang tahimik at simple niyang buhay. 
Habang nakatayo malapit sa bintana ng kwarto niya at nakatingin sa labas ay bigla na lamang nahagip ng kanyang mata ang isang maitim na usok na nanggaling sa kung saan, kasabay ng malakas na pag-ihip ng usok ay sya ring paglabas ng malakas na puwersa mula sa kanyang katawan.